【東華奇萊現代詩獎】評審獎〈轉去〉 with no comment 2022第36期 陳尚季 華文文學研究所碩士生 轉去了後 雨開始落袂停 看海的時陣 聲音漸漸消失，目睭內 除了湧抑是湧 歌聲佇心內 人對後壁行來 作伙笑，作伙夢，作伙 行一塊坎坎坷坷的海岸 看山佮溪的時陣 風聲崁過喘氣 無聲的雲泅過頭頂 眼內是白色茫霧 你佮我 咱無講話 予神明偷笑、予雁鴨拍動翼股 河佮河結合的下晡 紅光罩山，烏影抐散 咱恬恬徛佇遮 佇過去頭前向望 佇未來後壁等人 有路就揣所在 無夢就想恁 想燈火、想飛鳥、想彼个 過袂去的人 雨停矣，咱就出門，記咧愛 不時越頭等待， 越頭望 分享此文：分享到 Twitter(在新視窗中開啟)按一下以分享至 Facebook(在新視窗中開啟)分享到 Pinterest(在新視窗中開啟)按一下即可以電子郵件傳送連結給朋友(在新視窗中開啟)點這裡列印(在新視窗中開啟) Previous Post 【東華奇萊全國高中文學獎─散文獎】評審獎〈螢火蟲的天敵是時間〉 Next Post 【東華奇萊散文獎】推薦獎〈逐格播放〉
